Спектакл на „Маракана“: Меси и Нејмар за трофејот на Копа Америка
Два гиганти ќе ги одмерат силите во Рио де Жанеиро во 02.00 часот по полноќ, Бразил и Аргентина ќе се соочат во големото финале на „Копа Америка“.
Европа и светот ги чекаат финалето на Европското првенство во пресметката меѓу Англија и Италија, а пред тоа ќе ја добијат супер класиката – пресметката меѓу Бразил и Аргентина во финалето на Копа Америка.
Два гиганти ќе ги одмерат силите во Рио де Жанеиро во 02.00 часот по полноќ, Бразил и Аргентина ќе се соочат во големото финале на „Копа Америка“.
Аргентинците не се поразени во последните 19 натпревари, а серијата на Бразилците трае од ноември 2019 година, кога загубија во пријателски меч токму од „гаучосите“.
Ова ќе биде уште еден судир помеѓу Нејмар и Лионел Меси, двајца големи пријатели од периодот кога тие беа заедно во Барселона.
– Ја посакував Аргентина во финалето, сакав судир со Меси. Секако, сакам да победиме – вели бразилскиот репрезентативец Нејмар.
Бразил деветпати досега го освои ова натпреварување, додека Аргентина вкупно 14 пати (Уругвај е рекордер со 15 титули), а чека на нов трофеј уште од 1993 година.
– Веруваме дека дојде време да го освоиме трофејот. Едно е сигурно, тоа ќе биде вистинско дерби – истакна Анхел ди Марија, репрезентативецот на Аргентина.
Меси долго чека на вистински трофеј со репрезентацијата, поразен во финале на Светско првенство, поразен и во финале на Копа Америка.
– Нашата самодоверба е огромна, веруваме дека можеме да стигнеме до титулата – вели напаѓачот на Интер, Лаутаро Мартинес.
Улогата на фаворит му припаѓа на Бразил, не само затоа што е домаќин, туку и поради фактот што се здоби со репутација на тим кој скоро секогаш ја победува Аргентина на големите натпревари..
Четири пати овие ривали се сретнаа во финалните дуели – трипати во Копа Америка и еднаш во Купот на конфедерациите. Само еднаш Аргентина беше подобра.
Меси ја бара првата титула, но и Нејмар. Само еден може да се искачи на тронот..
– Подобри сме, ќе победиме – оптимист е бразилскиот играч за врска, Каземиро.
Бразил славеше на пет од шест натпревари, прими само два гола, а во полуфиналето го елиминираше Перу (1:0). Аргентинците имаат ист број триумфи, победувајќи ја Колумбија на пенали во полуфиналето.