Женската ракометна репрезентација на Србија ја совлада денеска Германија со 29:28 (19:17) во вториот натпревар од главната фаза на Светското првенство во Јапонија. Претходно на стартот од оваа фаза славеа и против Јужна Кореја.

Српските ракометарки имаа и пет голови разлика во текот на првото полувреме, истата брзо се стопи, но не се предаваа и не се откажуваа пред налетите на Германките.

После добрата завршница Србија замина на одмор со водство од два голови разлика, но противничките се вратија и преку Вергер стекнаа предност од 23:24 и се најави една неизвесна завршница.

Serbia?? secure an impressive victory against Germany?? in the last minute in the main round??@DHB_Teams @rssrbije#Japaan2019 #handinhand pic.twitter.com/4wS6tTSgDf

— IHF (@ihf_info) December 9, 2019

Германија до последната минута имаше и 27:28, веднаш успеа да израмни Јелена Лавко. Потоа, Јована Рисовиќ со одбрана го запре нападот на Германките. На спротивната страна Лавко повторно ја презема одговорноста и беше фаулира за седмерец. Во последните секунди од мечот од пенал голем триумф донесе Кристина Лишчевиќ.

Со овој триумф ги задржаа шансите и за полуфинале на СП, но и за место во квалификациите за Олимписките игри, за што е неопходна барем седмата позиција. На 11 декември ќе играат против Данска во одлучувачкиот дуел.

Моментно Србија има четири бода како Норвешка и Холандија, еден помалку од Германија. Доколку Данска и Јужна Кореја ги победат Холандија и Норвешка, тогаш Србинките во последната рунда ќе имаат можност со победа над Данска да се изборат за место во борбите за медал.