Советот на Федерацијата ги ратификуваше договорите за анексија на четирите украински региони

Совет на Федерација/ Фото Kommersant Photo Agency / ddp USA / Profimedia

Советот на Федерацијата (Горниот дом на Рускиот парламент) со акламација ги ратификуваше договорите за анексија на Луганскиот, Доњецкиот, Запорошкиот и на Херсонскиот регион кон Русија.

Припојувањето на тие украински региони вчера го одобри Долниот дом односно Думата, а претходно на седница во неделата тоа го стори и Уставниот суд на Руската Федерација.

Договорите со руските назначени шефови на окупираните украински територии беа потпишани на 30 септември врз основа на т.н. референдуми организирани од Русија. Западните земји се изјаснија дека не ги признаваат резултатите на тие плебисцити, оценувајќи ги за наместени

Видео на денот