Солскјер за две новогодишни желби ќе троши 90 милиони фунти!
И оваа сезона не блескаат „црвените ѓаволи“, иако стратегот Оле Гунар Солскјер потроши добри пари во текот на летниот период.
Раководството на клубот од „Олд Трафорд“ во јануари планира додатно да биде засилен составот, а нивните желби се познати.
Според „Дејли Стар“, се тврди дека на Солскјер му се одобрени 90 милиони фунти со цел во зимскиот период да ангажира двајца играчи, станува збор за играчот за врска од Њукасл, Шон Лонгстаф и напаѓачот на Лион, Муса Дембеле.
Тие се поврзуваа со трансфер во Јунајтед и во текот на летото, немаше конкретни понуди, но се очекува да ги има на почетокот од 2020 година.
После седум кола во Премиер лигата, екипата на Манчестер јунајтед се наоѓа на 10 позиција на табелата со девет бода.