Во новата епизода на поткастот „Со Ана на ТИ“, гостин е Марко Новески – телевизиско лице кое со години ја освојува публиката со својата позитивна енергија, хумор и препознатлив стил.

Со Марко разговараме на многу теми кои ни се блиски на сите, за тоа какво дете бил, како изгледале неговите младешки денови и пријателства, но и за неговиот професионален пат до водителството. Отворено зборува и за одлуката да се откаже од глумата, како и за адреналинот и „глупостите“ што ги правел во животот.

Посебен дел од разговорот ѝ е посветен на неговата најважна улога – онаа на татко. Марко споделува какви се неговите близнаци Вања и Веда, како го доживува родителството и како бракот го променил како човек.

Ќе слушнете и за љубовта кон кучињата, за животните вредности што ги носи денес, но и за тоа како од еден немирен дух се гради стабилен и посветен семеен човек.

Поткастот можете да го гледате секој петок во 19:00 на јутјуб-каналот на „Слободен печат“.