Слушнале тропање, а потоа се скамениле од страв: Брачен пар се вратил од одмор, а со нив и неочекуван гостин
Враќањето од одмор од Франција за британскиот пар Симона и Сали Фентон од едно гратче во Англија завршил како приказна од хорор филмовите, пренесуваат медиумите од Островот.
Кога парот од одморот во Франција, каде уживале во велосипедизам и алпинизам во друштво на своето куче, стигнале пред домот со својот автомобил, најпрво слушнале тропање на кровната кутија, а потоа забележале како некој ги вади прстите, а потоа и цела човечка рака!
Веднаш повикале полиција, а имале и што да видат кога го отвориле багажот. Исплашен, измачен и гладен 17-годишен мигрант се обидувал да го сврти вниманието за да им даде до знаење дека и тој е со нив.
Тинејџерот од Египет потоа бил спроведен во полицијата, а истрагата е во тек, јавува „Би-Би-Си“.
Семејството верува дека мигрантот успеал да влезе во нивниот автомобил додека тие застанале на бензинска да наточат бензин.
– Всушност момчето е многу симпатично и жал ни е што животот го натерал да се впушти во така опасна авантура, па воопшто не му замерувам што на тој начин влегол кај нас – изјавил Фентон за „Би-Би-Си“, па додал дека тој и сопругата буквално се скамениле поради оваа ситуација.
За момчето била отворена истрага, а и понатаму не било познато што ќе се случува со него во иднина.