Словенечките земјоделци се спротиставија на кризата – овошјето и зеленчукот го продаваат на интернет
Министерството за земјоделие на Словенија објави повик до сите земјоделци да продолжат напорно да работат овој период, а со тоа да обезбедат доволно храна за граѓаните кои поради коронавирусот, во најголем дел се затворени дома.
Производители на овошје и зеленчук во Словенија соочени со намалената продажба но и со штетите предизвикани од мерките за справување со корона вирусот најдоа начин своите производи преку интернет да ги продаваат директно на домаќинствата.
На овој начин и двете страни ќе бидат задоволни, земјоделците за профитот, а домаќинствата за добиените производи без притоа да излегуваат од дома.
Имено, по прогласувањето на епидемијата и рестрикциите на движење, директно беа погодени и помалите производители на овошје и зеленчук. Тие се прилагодија на ситуацијата и овозможија продажба на своите производи преку интернет страници.
Така сега граѓаните можат да си одберат што им треба, да нарачаат и платат преку интернет, а земјоделските производи ќе им бидат донесени до пред домовите.
Министерството за земјоделие на Словенија објави повик до сите земјоделци да продолжат напорно да работат овој период, а со тоа да обезбедат доволно храна за граѓаните кои поради коронавирусот, во најголем дел се затворени дома.