Скопје како во филмот „Јас сум легенда“, само без зомби (ФОТО+ВИДЕО)
Иако неспоредливо со кумановци кои се во карантин уште од петокот, и на скопјани викендот им е кус за пазарање. Продавниците затвораат главно во 14.30 часот, или малку подоцна, за вработените во маркетите да имаат време да се приберат до почетокот на полицискиот час кој почнува во 16.00.
Граѓаните ги користат и последните мигови да докупат уште нешто од неопходните намирници пред долгата ноќ. Некои со среќа, некои пак секогаш за малку доцнат и се лутат пред затворената врата на маркетите.
[foogallery id=”228904″]
Во 16 часот веќе е време за последно предупредување од страна на полицијата, па автомобилите јурат кон дома понекогаш не внимавајќи на бојата на семафорите.
Набргу потоа се е мирно и нереално по улиците на Скопје на кои сме научиле да има бесконечни колони возила во секој дел од денот. Незапирливо потсетува на филмот „Јас легенда“ со Вил Смит, само што нема зомби.
Само полицијата си ја врши својата работа запирајќи ги оние кои ќе се најдат на празните улици на градот.