Скариоло го објави списокот за ЕП: Никогаш „послаба“ Шпанија атакува на нов медал
Иако важи за еден од фаворитите, шпанската кошаркарска репрезентација ќе игра во нешто послаб состав од оној на која сме навикнати, но остануваат меѓу фаворитите.
Селекторот на црвената „фурија“, Серџо Скариоло го објави списокот на играчи на кои смета за претстојниот Евробаскет (1-18 септември). Во истиот веќе ги нема големите ѕвезди како браќата Марк и Пау Гасол, потоа Серж Ибака, Хуан Карлос Наваро, Серхио Љуљ, Фелипе Рејес, Хозе Калдерон, Никола Миротиќ…
Пред патувањето во Тбилиси (Грузија), Скариоло нема да смета на младиот плејмејкер Хуан Нуњез и центарот Фран Гуера. Така, Шпанија ќе ја брани бронзата и ќе атакува на нов медал со следните играчи:
Лоренцо Браун, Хаиме Прадиља, Руди Фернандез, Чаби Лопез-Аростеги, Хаиме Фернандез, Дарио Бризуела, Алберто Дијаз, Себас Саиз, Вили Еернангомез, Усман Гаруба, Хуанчо Хернангомез и Жоел Пара.
На Европското првенство Шпанија ќе игра во групата „А“ заедно со Црна Гора, Турција, Грузија, Белгија и Бугарија.