Сите во ФК Шкендија негативни на Ковид-19
Добри вести се објавени од страна на тетовскиот прволигаш кој веќе ги насочува погледите кон новата натпреварувачка сезона.
Денеска фудбалската екипа на Шкендија ја информираше јавноста дека играчите, стручниот штаб и сите останати вработени во клубот имаат негативни тестови на Ковид-19.
После враќањето од Маврово, „црвено-црните“ предводени од тренерот Ернест Ѓока ги продолжуваат тренинзите во Тетово.
Шкендија го заврши еднонеделниот престој во Маврово и по слободниот ден, фудбалерите од вторник ги продолжија тренинзите во Тетово.
Во меѓувреме, по препораките на здравствениот протокол на ФФМ за одржување на тренинзи и натпревари, сите играчи, стручниот штаб и вработените во клубот имаа тестови за Ковид-19.
Резултатите покажаа се тестовите се негативни, па така тимот целосно може да ги продолжи предвидените активности за следниот период.