Општина Куманово на официјалната веб страница ги објави интерактивните мапи на линиите за бесплатниот градски превоз.

– Во продолжение се интерактивни мапи за сите линии, на коишто можете да ги видите сите постојки за секоја линија поединечно, за поаѓање и враќање, како и времето на доаѓање на автобусот за секоја постојка посебно. Упатство за користење на мапите е достапно https://kumanovo.gov.mk/besplaten-javen-prevoz-mapa-na-linii/Времето на поминување на автобусите на постојките зависи од повеќе надворешни фактори во сообраќајот – информираа од општина Куманово.

Согласно Одлуката за субвенционирање на општински линиски превоз на патници на подрачјето на Општина Куманово, донесена на седница на Советот на предлог на градоначалникот Максим Димитриевски, сите граѓани ќе можат бесплатно да користат општински линиски превоз до 30-ти јуни годинава, на сите линии согласно утврдените возни редови.