Јаник Синер е една од најголемите тениски надежи во светот, а организаторите на Мастерсот во Париз го третираат крајно нехумано. Според некои медиуми, тоа e скандал, лудило, срамота.

Италијанецот победи во мечот со Мекензи Мекдоналд, што заврши денеска рано наутро малку пред три часот. Иако се пласира во следната рунда, Синер се повлече затоа што организаторот му го закажа следниот меч за денеска во 17 часот попладне, оставјаќи му само неколку часа да закрепне од претходните напори.

Едноставно четвртиот тенисер на светот не можеше да издржи физички.

Поради ваквиот третман на Синер, вистинска поплава од критики следуваше од сите страни. Еден од најжестоките беше Каспер Руд, колега на Јаник.

– Браво АТП. Каков начин да ми се помогне на еден од најдобрите играчи на светот да закрепне и да биде најдобро можно подготвен кога мечот го заврши во 2,37 наутро и има 14,5 часа за одмор – се јави Руд на социјалните мрежи.

Критики на сметка на организаторот следуваа од многу страни. Тенисерите на крајот на сезоната се исложени на големи напори со тоа што мораат да играат доцна во ноќта, а потоа немат доволно време за одмор.