Јаник Синер го совлада Новак Ѓоковиќ со убедливи 2-0 во сетови, обезбедувајќи финале против Карлос Алкараз на егзибицискиот турнир во Ријад.

Синер го совлада Новак Ѓоковиќ со изненадувачки убедлив резултат од 2-0 во сетови (6-4, 6-2), прикажувајќи ретко видена доминација против најтрофејниот тенисер.

Србинот прв го загуби сервисот во третиот гем, што Синер веднаш го искористи за да поведе. Со сигурна игра на свој сервис и агресивен настап, Италијанецот го доби првиот сет со 6-4, а во вториот целосно го наметна темпото, не дозволувајќи му на Ѓоковиќ да се врати во мечот.

И Алкараз претходно лесно го мина полуфиналето, совладувајќи го Тејлор Фриц со идентичен резултат (6-4, 6-2), така што финалето ќе донесе ново големо соочување меѓу две од најголемите млади ѕвезди во тенисот.

Преземено од: Спорт.ком.мк