Репрезентациите на Шпанија и Шведска со вечерашните победи го заверија пласманот на Европското првенство кое се игра идната година.
Шведска неочекувано лесто со 0:2 ја совлада Романија со головите на Берг и Квизон уште во првото полувреме.

Шпанија очекувано го торпедира аутсајдерот Малта со 7:0. За „фуријата“ стрелаа Мората, Казорла, Торес, Сарабија, Олмо, Морено и Навас.
На чекор до пласман на ЕП е и селекцијата на Швајцарија која со минимални 1:0 ја совлада Грузија.

Единствениот погодок беше дело на Итен во 77. минута. Швајцарците уште сега може да слават бидејќи во последното коло играат против аутсајдерот Гибралтар и им е потребен само еден бод за да ја заверат визата за ЕП.

Репрезентацијата на Италија ја забележа и деветтата победа во деветтиот натпревар во квалификациите. Последна жртва на „аѕурите“ е БиХ која е совладана со 0:3.

Резултати
Група Д
Данска – Гибралтар 6:0
Швајцарија – Грузија 1:0

Група Ф
Норвешка – Фарски Острови 4:0
Шпанија – Малта 7:0
Романија – Шведска 0:2

Група Ј
Финска – Лихтенштајн 3:0
Ерменија – Грција 0:1
БиХ – Италија 0:3