Серхио Рамос сè уште не го продолжил договорот со Реал Мадрид, а доколку не го направи тоа до крајот на март, дефанзивецот и дефинитивно ја игра последната сезона на „Сантјаго Бернабеу“.

Шпанската „Марка“ денеска открива дека Флорентино Перез ја оставил својата понуда на маса и на играчот му постави рок до крајот на март до кога ќе чека одговор од капитенот.

Изворот и натаму тврди дека Перез и Рамос ги подобрија односите, дека се подготвени повторно да соработуваат и дека потпишувањето на нов договор е поблиску од кога било.

Но, Перез не отстапува од својата понуда, а тоа е договор 1+1, и 10% помала плата, и сето тоа Рамос очигледно ќе мора да го прифати доколку има желба да остане во екипата. Наводно, следната недела ќе биде клучна, искусниот одбранбен фудбалер е свесен дека шефот не може да чека долго и кој веќе размислува за следната сезона.

Прв во низата да го замени Рамос е Давид Алаба, иако неговото доаѓање не е условено со престојот на Рамос, но планот е да се биде „џокер“ како лев бек.