Ѓоковиќ и Шарапова се големи пријатели кои често се дружеа за време на турните, но сега руската убавица ужива во тениска пензија. Двајцата одлучија да ги озрадуваат своите фанови на социјалните мрежи и во разговор во живо се потсетија на неколку интересни моменти.

Веднаш на почетокот Шарапова го потсети Ѓоковиќ како помина нивното последно заедничко снимање на реклама.

– Последен пак кога заедно игравме тенис те погодив во меѓуножјето. Од тогаш ти освои неколку грен слем титули, така што мислам дека сега треба да снимиме нова реклама – се пошегува Марија која потоа им откри на фановите како тие двајца се запознаа.

– Игравме егзибиција во Ла Кинта, Калифорнија, доколку се секжаваш. Игравме микс дубл едни против други и ти рече дека кој ќе загуби плаќа вечера. Исто така рече дека веднаш одиме во еден јапонски ресторан по натпреварот. Таму го замоли келнерот да не фотографира со еден стар кодак фотоапарат. И тогаш знаев дека си мој голем фан – рече Шарапова, но и Ѓоковиќ не остана должен.

– Го изгубив тој апарат, а ти признај дека намерно го загуби натпреварот.