Шампионска еуфорија на „Сан Сиро“: Милан планира новогодишни подароци!?
Управата на Милан ќе се обиде во текот на зимскиот преоден рок да го освежи тимот и после една деценијата повторно клубот се најде на врвот во Италија. „Росонерите“ последен пат ја освоија Серија А во сезоната 2010/2011, вкупно 18 титула во нивната историја.
Според италијанските медиуми, техничкиот директор и клупска легенда Паоло Малдини веќе работи на на нови засилувања, односно планот е да се ангажираат четири играчи на „Сан Сиро“.
Прв на листата е турскиот интернационалец Озан Кабак, дефанзивецот на Шалке, потоа одбранбениот играч Матео Ловато од Верона. „Скаутите“ ја следат ситуацијата со фудбалерот од средниот ред во Салцбург, Доминик Шобошлаи и напаѓачот на Борусија Менхенгладбах, Маркус Тирам.
Навивачите на Милан веруваат дека со ваквите можни новогодишни засилувања заедно со искусниот Златан Ибрахимовиќ може да се обезбеди Скудетото.
Моментно сезонава во најсилното италијанско првенство води токму Милан после седум кола со 17 бодови, пред Сасуоло (15), Наполи на Елиф Елмас (14) и Рома кои имаат по 14, а на делба на петтата позиција се актуелниот шампион Јувентус и Аталанта.