Конечно дојде сезоната на вкусните и освежувачки јагоди, кои речиси сите ги сакаме, било да се свежи, џем, слатко, кандирани или во колачи.

Сезоната на свежи јагоди одбележете ја со овој одличен и многу лесен рецепт за мафини.

Потребни состојки:

1,5 шолји брашно
2 лажички прашок за пециво
1/2 лажичка сода бикарбона
1/4 лажичка сол
1/2 шолји омекнат путер
Една шолја шеќер
2 големи јајца
1/2 шолја павлака
1/2 шолја млеко
2 шолји сецкани свежи јагоди
Екстракт од ванила

Подготовка:

Загрејте ја рерната на 180 степени.

Во еден сад измешајте ги брашното, пецивото, содата и солта. Во друг сад изматете путер и шеќер, додека да добиете пенеста смеса. Додадете ги јајцата и ванилата, па продолжете со матење. Додадете ја павлаката и измешајте со лажица.

Во оваа смеса додадете ја мешавината со брашното, а на крај и млекото. Измешајте и кога ќе се изедначи смесата додадете ги и исецканите јагоди.

Оваа смеса ставајте ја во корпички за мафини. Печете 17-20 минути. Остануваат свежи и до 4 денови.

Како идеја за ручек, прочитајте го и овој рецепт за пилешко со тиквички во сос.