СЕРИЈА А: Елмас за малку ќе го имаше голот на кариерата! (ВИДЕО)
Фудбалерите на Наполи денеска во рамките од шестото коло во најсилното италијанско првенство на домашен терен со 2:1 ја совладаа Бреша.
Наполи поведе во 13 минута со голот на Дрис Мертенс, а предноста ја зголеми Константинос Маниолас во четвртата минута од судиското надополнување на првото полувреме.
Конечниот резултат го постави Марио Балотели во 67 минута што беше него првенец во дресот на Бреша.
Македонскиот репрезентативец Елиф Елмас настапи од 73 минута како замена за шпанскиот напаѓач Фернандо Љоренте. Анчелоти после мечот изјави дека Љоренте после перформансите на високо ниво изгледал уморен, па одлучил да биде заменет од нашиот Елмас да покрива повеќе во средниот ред.
Можеше многу лесно нашиот играч и да се запише во листата на стрелците, се ослободи од тројца противнички играчи и малку недостасуваше да ја затресе мрежата.
Başkanım rakip takım Elif Elmas’tan çalım yesin diye alttan para vermiş be. Gol olaymış keşke 🙁 pic.twitter.com/glKKQWDgL6
— Alvaro (@Alvarotuncay) September 29, 2019
За играчите на тренерот Карло Анчелоти ова е вкупно четврта победа во Серија А и моментно е на четвртото место на табелата со 12 бодови. Бреша го претрпе четвртиот пораз сезонава и е на 14 позиција со шест бодови.