Преземањето на фотографии од интернет често пати може да предизвика многу недоразбирања, а американскиот ветеран и конгресмен од Флорида, Брајан Маст, ја плати цената и целосно се посрамоти. Имено, Американецот и посака среќен роденден на американската морнарица со фотографија од рускиот борбен брод „Петар Велики“, објави српски „Курир“.

That's the Russian battlecruiser Pyotr Velikiy pic.twitter.com/FJKsRYU1g0

— Dave Brown (@dave_brown24) October 13, 2019

Објавата на Твитер осамна на вчера, кога американската морнарица го славеше својот 244-ти роденден. Набрзо по увидената грешка, твитот е избришан, но не пред будното око на американските медиуми да ја увиди и посочи на грешката.

Маст, кој е ветеран на американската војска, а во Авганистан ги има загубено двете нозе и прст, потоа објави уште една честитка, овој пат со официјалното видео на американската морнарица.

Интересно е да се напомене дека „Петар Велики“ брод кој се движи на нуклеарен погон и останува единствениот од класата Киров кој во моментов се наоѓа во служба. Бродот тежи 28.000 тони и располага со 20 крстосувачки ракети П-700 Гранит како главно одбранбено оружје. Згора, „Петар Велики“ има и низа на противавионски ракети за сопствена и заштита на бродовите кои го следат.