Патниците кој со авионот на компанијата Делта Ерлајнс патувале од американскиот град Атланта во сојузната држава Џорџија за Форт Лодердејл во Флорида искусиле седум минути чист страв кога авионот за време на летот „пропаднал“ скоро девет илјади километри, пишува Њујорк пост.

Авионот во средата бил на пола пат до конечната дестинација кога на висина од 11.890 метри за нешто помалку од седум минути нагло се спуштил на околу 3.000 метри.

„Одеднаш почувствував нешто што личеше на брз пад. Почнавме да паѓаме и маските за кислород паднаа. Започна хаос меѓу патниците. Една стјуардеса повторуваше да не паничиме, но ситуацијата беше многу напната. Многу патници околу мене забрзано дишеа“, изјави патникот Харис де Воскин за медиумите.

Портпаролот на компанијата Делта Ерлајнс изјави дека летот е пренасочен во градот Тампа на Флорида заради мерки на безбедност и дека таму слетал без било какви проблеми. Како што истакна до пренасочување дошло заради „неправилност кај одржувањето на воздушниот притисок во авионот“.