Седницата во српското Собрание заврши без гласање за избор на претседател на Парламентот
Без гласање за избор на претседател на Собранието, потпретседатели и членови на работни тела, беше прекината денешната конституивна седница во српскиот Парламент. Седницата ја одбележаа навреди, туркање и викање. Опозиционерите станаа од столчињата и за малку ќе влезеа во физичка пресметка. Во директниот пренос се слушнаа сериозни пцовки.
Предлогот за избор на поранешната премиерка Ана Брнабиќ за претседател на Собранието дојде порано во собраниска процедура, пишува n1.rs.
Конститутивната седница почна на 6 февруари, а нејзиниот почеток и давање заклетва го одбележаа свирежи на пратеници од опозицијата кои тврдат дека изборите одржани на 17 декември 2023 година се украдени и дека составот на Собранието на Србија, а особено на градот Белград, не ја одразува вистинската волја на граѓаните.
По потврдувањето на мандатот, продолжението на седницата беше закажано за 11 март, но вечерта пред да почне, српскиот претседател Александар Вучиќ најави дека седницата ќе се одложи додека пратеничките групи не се договорат за кадровските решенија.