Се заоструваат односите: Ергодан го навреди Макрон, тој ќе го повлекува францускиот амбасадор од Турција
Франција денеска ја осуди изјавата на турскиот претседател Реџеп Таип Ердоган кој го доведе во прашање „менталното здравје“ на францускиот колега Емануел Макрон поради неговата изјава за карикатурите на пророкот Мухамед.
Како што пренесува Ројтерс, Франција најави дека поради изјавата на Ердоган ќе го повлече својот амбасадор од Турција.
„Зборовите на претседателот Ердоган, се неприфатливи. Навредите и грубостите не се начин. Бараме Ердоган да ја смени политичката насока, зошто неговата политика е опасна во секоја смисла. Не влегуваме во преголеми полемики и не прифаќаме навреди“, се наведува во соопштението од Елисејската палата.
Ердоган претходно денеска ги критикуваше ставовите на својот француски колега Макрон кон муслиманите, повикувајќи го „да го провери своето ментално здравје“.