После двете пропуштени шанси Партизан вечерва ја оствари првата победа во Евролигата.

Избраниците на Жељко Обрадовиќ славеа убедливо над Виртус Болоња со 90:62. За Партизан ова е прво славје во ова натпревбарување после осум години откако во 2014 година во Белград го совладаа Жалгирис со 78:67. Најефикасен во редовите на Партизан со 20 поени беше Џејмс Нанели, додека Бако со 11 и Вимс со 10 беа најрасполжени кај Виртус.

На домашен терен победа запиша и Жалгирис кој ја изненади Барселона со 73:72. Каталонците на оваа средба го имаа последниот напад и можеа да до победа, сепак Саторански воопшто не шутна кон противничкиот кош.

До тесна победа стигна Армани Милано на гости кај Баерн со 81:83. Домаќините имаа предност после првото полувреме со шест разлика, но Армани потоа почна да се враќа и на крај го доби дуелот.

Уште една рутинска победа забележа Макаби Тел Авив кој го совлада Асвел со 88:69. Во дербито на вечерта Фенербахче на домашен терен ја совлада Валенсија со 79:77.