Ник Картер, поранешен член на бендот „Бекстрит бојс“, за британските медиуми потврдил дека добивал смртни закани од својот помлад брад Арон.

Тој побарал судска забрана, со која Арон нема да смее да се приближи на помалку од 100 метри ниту до брат му, ниту до неговите дом и семејство.

Во ова се придружила и нивната сестра, која исто така добивала закани од најмладиот Арон. Таквото однесување многу ги вознемирило и иако го сакаат, решиле да се заштитат себе, додека Арон да побара стручна помош.

Арон, пак, се брани дека немал намера да наштети никому. На брат му му порачал да се држи подалеку од него и да го остави да си го врати животот во нормала.

Поранешната тинејџерска ѕвезда отворено призна дека страда од шизофренија, анксиозност и биполарно нарушување.