Тревор Букер (32) на социјалните мрежи ја информираше јавноста дека и официјално објави крај на професионалното играње на кошарка. Во својата кариера беше дел од НБА екипите на Вашингтон Визардс, Јута Џез, Бруклин Нетс, Филаделфија Сиксерс и Индијана Пејсерс.

Две години не играше во НБА лигата, откако не доби понуда од ниту еден клуб, па во летото 2018 година се пресели во Кина, но брзо мораше да се врати дома за операција на стапало. Оттогаш се опоравуваше и се обидуваше да се врати во НБА, но без успех.

На Твитер напиша писмо за кое како што призна му требаше два-три дена, се потсети како живееше во град од само 2000 луѓе, потоа за проблемите во колеџот поради неговата висина, но и напорната табота преку која успеа да се најде во првата рунда на драфтот во 2010 година.

?? pic.twitter.com/HyJqGzyHGB

— Trevor Booker (@35_Fitz) April 14, 2020

Во својата кариера одигра 532 натпревари со просек од 6,9 поени по меч. Едни негови поени дефинитивно ќе останат во сеќавање, и без сомнение може да се смести во Топ 10 најсмешните во НБА историјата.

Настапувајќи за Јута Џез, во еден напад на дуелот против Оклахома немаше многу време за шут, само доволно колку да биде допрена топката, а токму тоа го направи Букер и реализираше еден неверојатен погодок.