„Се молиме за Kралот“: Од целиот свет стигнуваат пораки со поддршка за Пеле
Oд целиот свет пристигнуваат пораки со поддршка за бразилската фудбалска легенда Пеле. Трикратниот победник на Светското првенство е во болница на редовен месечен преглед.
Прославениот фудбалер кој има 82 години е примен во болница во Сао Паоло во вторникот на 29 ноември.
Во извештајот од Бразил, кој Би-Би-Си не го потврди, се наведува дека Пеле не одговорил на хемотерапијата и дека се започнува со палијативна нега.
– „Се молиме за кралот“ – напиша францускиот напаѓач Килијан Мбапе на Твитер.
Pray for the King 👑🙏🏽🇧🇷 @Pele
— Kylian Mbappé (@KMbappe) December 3, 2022
На Пеле му беше отстранет туморот на дебелото црево во септември 2021 година и оттогаш добива редовна терапија.
Нему му беше дијагностицирана респираторна инфекција и беше кажано дека е стабилен во болницата „Алберт Ајнштајн“ во Сао Паоло во петокот.
– Многу сме тажни поради веста дека е болен, но му посакуваме сè најдобро, не само јас, туку и на целиот тим на Англија. Тој е инспирација, неверојатен човек – изјави во саботата капитенот на Англија, Хари Кејн.
Поранешниот германски репрезентативец Јирген Клинсман за Би-Би-Си изјави дека Пеле е „прекрасна личност“.
„Можеме само да се молиме и да се надеваме на најдоброто, но тоа е навистина тажна вест“.
„ЕСПН Бразил“ во средата објави дека Пеле бил примен во болница и дека неговата ќерка изјавила дека нема „итна помош“.
Пеле во петокот им се заблагодари на сите за „добрата енергија“ и рече дека е во болница на „рутинска посета“.
Поранешниот напаѓач сè уште го држи рекордот за најмногу постигнати голови за Бразил – постигна 77 голови во 92 натпревари и освои четири Светски првенства.
– Целиот свет сака да бидеш подобро, Кралу Пеле – објави Сантош, неговиот бразилски клуб на Твитер.