Играчот на Интер се сети на престојот во Манчестер јунајтед и откри дека не бил особено среќен на „Олд Трафорд”.

Напаѓачот Алексис Санчез потпиша со „црвените ѓаволи” во јануари 2018 година, по разделбата со екипата на Арсенал.

– Сфатив многу работи по мојот прв тренинг. Само што се вратив дома, го прашав мојот менаџер дали можеме да го откажеме договорот и да се вратиме во Арсенал. Не ми се допадна нешто, но веќе потпишав. Поминаа месеци и јас продолжив да се чувствувам исто.

Не бевме обединет тим. Новинарите кажуваа што сакаа. Поранешните играчи исто така коментираа и немаа идеја што се случува во клубот. Навредливо е. Ние едноставно не бевме едно семејство во соблекувалната и тоа беше очигледно на теренот. Доколку некој требаше да биде обвинет, тоа бев јас – вели Санчез.

Се чини дека Чилеанецот конечно ја најде фудбалската среќа откако се врати во добра форма во Интер и потпиша постојан договор со „нероазурите”.