Сакате задник како Џенифер Лопез? Пробајте платипус од!
52-годишната пејачка изгледа неверојатно и постојано занемува со својот изглед и појавувања во јавноста. Но, иако од неодамна отворено го носи сјајот на љубовта на своето лице, за своето тело сепак се грижи и на друг начин – со вежбање на вежбата „одот на платипус“.
Пејачката и актерка применува интензивна фитнес рутина, која вклучува и мост подигнувања и различни стомачни вежби, но според нејзиниот тренер Дејвид Кирш има една конкретна вежба која доведува до нејзината автентична фигура.
View this post on Instagram
За одржување на нејзините нозе и задник, кои се нејзин познат белег, посакуван елемент и пример за сите жени, Џеј Ло применува специфична целна вежба – „одот на платипусот“.
Насловена по клунарот, вежбата наликува на одот на ова животно бидејќи се изведува со раширени колена нанадвор, во чучнат став и исправен грб. Помеѓу фитнес ентузијастите таа е позната и како чекорење во „сумо чучањ“.
View this post on Instagram
На видеото кое го сними нејзиниот тренер Џеј Ло го прикажа правилното изведување на вежбата, најпрвин со чекорење нанапред, а потоа и наназад во втор сет.
Интересно е што, иако оваа вежба се потенцира и претежно применува за одлично дефинирање на мускулите од задникот и внатрешноста на нозете, тоа е всушност вежба која го тонира целото тело вклучувајќи ги и вашите стомачни доколку се изведува правилно, а тука лежи и тешкотијата.
View this post on Instagram
Како да изведете „платипус од“?
Потребно е да потклекнете со колената под агол од 90 степени и да ги насочите колената нанадвор и настрана, а не нанапред.
Исто така и колената треба да бидат праволиниски над стапалата, а поголемиот дел од вашата тежина да лежи на вашиот зглоб.
Откако ќе ја погодите правата форма, започнете да чекорите најпрво со едната, па со другата нога, но без да ја менувате телесната положба.
За нејзино изведување не се потребни тежини или било каква опрема, и сè што е потребно е подот на кој ќе чекорите.
View this post on Instagram
