Српскиот пејач Никола Роквиќ веќе 14 дена патува пеш до Грција. Крајната дестинација на пејачот е манастирот Нектариј Егински, каде пејачот ќе се поклони и ќе го заврши подвигот кој го почна за хуманитарни цели.

Пејачот секојдневно на социјалните мрежи споделува за своето искуство и ситуациите со кои се сретнува по пат. Сега тој се огласи и откри каде ќе го слави Велигден, најрадосниот празник во годината.

Имено, Никола овој посебен ден ќе го помине во Македонија. Пејачот веќе објави фотографии и видеа на кои покажа како е пречекан во Куманово и Свети Николе.

„Стигнав на денешната дестинација. Голема радост е со мене, на местото Свети Николе, во храмот Свети Никола. Нашите драги домаќини ми кажаа дека ова место е токму местото каде што св. Никола му го вратил видот на Стефан Дечански. Вечерва овде ќе го славиме Велигден, многу сум среќен“, рече Никола.

Пејачот на Велигден сподели и фотографија со пријател и со насмевка на лицето им го честиташе на сите најсреќниот христијански празник.

Роквиќ традиционално се кршеше со јајца и напиша: „Христос воскресна, радост моја!“.

Да потсетиме, сопругата на пејачот Бојана Баровиќ допатува со децата за да можат заедно да го поминат Велигден, а Никола потоа ќе го продолжи аџилакот до манастирот Нектариј Егински.

Никола Роквиќ пеш тргна кон Грција, мора да помине 1.150 километри