Рома е фаворит за потписот на „кралскиот“ напаѓач“!?
Најновите информации околу иднината на Лука Јовиќ велат дека три гиганти од Италија и Манчестер јунајтед се во трката за потписот на српскиот играч.
Рома е фаворит за потписот на напаѓачот на Реал Мадрид, а тренерот Зинедин Зидан истакна дека е најдобро Јовиќ да игра една година како позајмица во редовите на римската „волчица“.
Според шпанскиот „АС“, Србинот ја заврши својата епизода во „кралскиот“ клуб, до понеделник (последниот ден од преодниот рок) се очекува да ја промени средината и да се пресели во Италија.
Покрај Рома, уште Интер и Милан ја следат ситуацијата со фудбалерот, а интерес покажуваат и „црвените“ ѓаволи од Олд Трафорд.
Јовиќ немаше добра сезона минатата година, во Реал и натаму имаат големи очекувања од него. Дојде на „Сантјаго Бернабеу“ од Ајнтрахт Франкфурт за 60 милиони евра, но не успеа да се наметна во силната конкуренција каде Карим Бензема игра во животна форма, а Зидан користи формација со еден класичен напаѓач.