Родителите од иницијативата „Учебници и настава мора да има“ до Собранието поднесоа предлог за покренување на граѓанска иницијатива за распишување на референдум за одлучување на државно ниво, соцел директно и непосредно изјаснување на граѓаните за нацрт-Законот за учебници и наставни материјали во основното и средното образование.

– Иницијативата за референдум ја поднесовме во Собранието и доколку во рок од три дена претаедателот Џафери не ни одговори, ние ќе сметаме дека тоа е прифатено и ќе продолжиме со собирање на потписи, изјави воспитувачката Драгана Спасевска, која е раководител на оваа иницијатива.

– Потребни ни се 10 000 потписи за законски да можеме да организираме референдум. Засега само од првиот ден на протестите во Скопје собравме 600 потписи, но морам да кажам оти голем интерес има и как родителите во другите градови, додаде Спасевска.

Спасевска додаде и оти е доставено барање за разговор на оваа тема со премиерот Заев и неговите соработници, а истакна и дека доколку не добијат одговор, протестите ќе продолжат.