Француската десничарска партија Републиканци соопшти дека суспендирала шест министри кои прифатиле функции во новиот кабинет на премиерот Себастијан Лекорну, спротивно на наредбата на лидерот на партијата Бруно Ретајо.

Во соопштението на партијата се наведува дека нивното останување во владата „би значело свртување кон макронизмот и откажување од независноста и вредностите кои се темел на нашата политичка определба“.

Неколку часа пред седницата на политичкото биро, шесте министри објавија дека се повлекуваат од сите партиски функции, но не и од владините позиции, пренесуваат медиумите.

Лидерот на Републиканците, Бруно Ретајо, во интервју за Фигаро најави дека ќе преземе дисциплински мерки против нив поради непочитување на упатствата да не прифаќаат места во новиот кабинет.

„Тие не можат да бидат гарант на нашето политичко семејство во владата“, изјави Ретајо.