Рекордерот Никола Јокиќ
Екипата на Денвер славеше против Оклахома со 120-110 во последното коло од НБА-лигата, а Никола Јокиќ со 79-от „трипл-дабл“ дојде до нов рекорд, минувајќи го легендарниот Вилт Чемберлен.
Јокиќ стана центарот со најголем број „трипл-дабл“ ефекти во историјата на најсилната кошаркарска лига во светот. На дуелот со Оклахома, Јокиќ постигна 15 поени, како и скор од 13 скока и од 14 асистенции.
Денвер дојде до петтата победа на стартот од сезоната, сега со скор од пет победи и три порази на 4. место во Западната конференција. Најефикасни во таборот на Денвер беа Арон Гордон со 27 поени и Џамал Мареј со 24 поени.
Крајно неизвесно беше на дуелот меѓу Орландо и Голден стејт, каде домаќинот помалку неочекувано дојде до победа од 130-129. Сагс постигна 26 поени и дополни со девет асистенции кај Орландо, Паоло Банкеро дополни со 22 поен, а Франц Вагнер мечот го заврши со 19 поени. Кај гостите се издвои Стеф Кари со 39 поени и девет асистенции, Клеј Томпсон запиша 27 поени.