Бројот на новозаболени од коронавирус во Русија во последните 24 часа имал рекорден скок од 771 лице, па сега порасна на 3.548, објави рускиот кризен центар за коронавирус.

Случаи на заразата се потврдени во 76 руски региони, од вкупно 80, а Москва е и понатаму жариште со 585 случаи, кажаа од центарот и додадоа дека досега има 30 жртви.

Рускиот претседател, Владимир Путин во понеделникот упати апел до граѓаните на Москва „сериозно да го сфатат“ седењето дома и со тоа да допринесат спречување на ширењето на коронавирусот, а станува збор за мерка која ја преземаат и бројни други руски региони.

Тој исто така им нареди на гувернерите на руските покраини „вистински“ да вложат сила во борбата против ширењето на вирусот и да не се задоволат со „пишување на извештаи“.