Рецепт стар неколку векови: Традиционална италијанска супа која го „греела“ и Леонардо да Винчи
Традиционалната италијанска минестроне супа подготвена на тоскански начин била едно од омилените јадења на најзначаниот човек на ренесансата Леонардо да Винчи.
До овие податоци дошол историчарот Дејв Девит кој собирал автентични рецепти од тој период, па ги прилагодил на денешната кујна. Еве како и вие да ја направите највкусната италијанска супа.
Состојки:
– 1 главица кромид
– 3 чешниња лук
– 2 моркови
– 1 компир
– конзерва мини домати – пелати
– конзерва грав
– 2 шаки зелен зеленчук (кељ, зелка, спанаќ)
– 100 гр тестенини или ориз
– коцка за супа од зеленчук
– маслиново масло
– сол
– бибер
– оригано
– ловоров лист
Подготовка:
На маслиново масло испржете ги ситно исецканите кромид и лук. Во тенџерето додадете малку вода, коцката за супа, ловоровиот лист, а кога ќе зоврие додадете го и зеленчукот (морковот и компирот) исецкани на коцки.
Налијте со уште околу половина литар вода, оставете да зоврие и потоа додадете ги мини доматите од конзерва.
Оставете тивко да врие пет минути, па додадете ги тестенините или оризот.
Зачинете со оригано, сол и бибер, додадете го и гравот и гответе се додека компирот и тестенините не бидат готови.
Пред самиот крај на готвењето додадете го и зелениот зеленчук кој би требало само да омекне, но не и долго да се вари.
Во минестроне супата можете да додадете и било кој друг зеленчук.
Пријатно!