Сите знаеме дека мајонезот не е една од претерано здравите намирници, згора на тоа, ако често се јаде, може да се каже дека е нездрав за нашиот организам.

Содржи многу масти, шеќери и адитиви, но постои и рецепт за домашна верзија на мајонез. Тој нема да може да издржи толку долго, но затоа е поздрав од купената верзија.

Се подготвува брзо и лесно, а сите потребни состојки најчесто секоја домаќинка ги има веќе во фрижидерот.

Со оглед на тоа дека е време на слави, домашниот мајонез ќе ви биде една од главните состојки за приготвување на омилените крем-салати, особено на руската салата.

Состојки:

– 1 јајце
– мала лажица сенф
– мала лажица јаболков оцет
– сол и бибер (по вкус)
– 250 мл масло

Подготовка:

Земете длабок сад и измешајте жолчки, сенф, јаболков оцет и бибер. Потоа, сè добро изматете со миксер.

Потоа, додавајте малку по малку масло и матете цело време. Ако ви се случи текстурата да е поцврста, додајте уште малку масло.

Во друг сад измешајте ги и изматете ги белките и солта, а потоа сипете ја во смесата што сте ја добиле.

Сè убаво измешајте и матете со миксер неколку минути.

За крај, сè што треба да направите е сè да префрлите во стаклена тегла и да ја ставите во фрижидер. Имајте на ум дека домашниот мајонез може да стои помеѓу 5 и 10 дена.