Рецепт од нашите баби: Гулаш од говедско и леќа што ќе ве врати во детството
Богат и обилeн гулаш од говедско месо и леќа е рецепт полн со здрави состојки.
Ова хранливо вариво е совршен семеен оброк за студените есенски денови, чија подготовка, без готвењето, ќе ви одземе помалку од 20 минути. Но и ќе ве врати низ времето, токму на масата, во кујната на баба ви.
Состојки:
– 2 лажици масло
– 1 кг говедско месо, исечкано на коцки (може да се замени и со свинско месо)
– 1 кромид, сечкан
– 3 чешниња лук, изгмечени
– 4 моркови, исечени
– среден корен од целер, сечкан
– 1,5 филџан сушена леќа, зелена или кафеава
– 400 мл сок од домати
– 6 филџани говедска супа
– 1 филџан суво црвено вино
– 3 ловорови листови
– 1 лажица сува мајчина душица
– 2 лажици билни зачини
– сол и бибер по вкус
– свеж магдонос за украсување
Подготовка:
Загрејте го маслото во големо тенџере и пропржете го кромидот неколку минути додека не стане стаклест.
Додајте ги говедското месо и лукот. Пржете го месото, редовно мешајќи од 5 до 10 минути, додека сите страни на месото не поруменат.
Во тенџерето додадете ги морковот, целерот, леќата, доматите, телешкиот бујон (супа), виното, ловоровиот лист и другите зачини од списокот и почекајте да зоврие.
Кога ќе зоврие, поклопете, а потоа намалете ја топлината. Гответе го гулашот околу 60-75 минути, додека леќата и говедското месо целосно не омекнат.
Вкусете и дополнително посолете или зачинете доколку е потребно. Украсете со магдонос.