Реал Мадрид е првата екипа која обезбеди пласман на Фајнал фор турнирот. „Кралскиот“ клуб како гостин со 89:82 го совлада Панатинаикос и ја доби четвртфиналната серија со 3:0 во победи.

Мадридскиот клуб до победата во „ОАКА“ го предводеше Руди Фернандез кој постигна 16 поени. Факундо Кампацо исто така уфрли 16 поени, а одлично одиграа уште и Рендолф со 14 и Тејлор со 13 поени.

Противник на Реал Мадрид во полуфиналето на Фајнал фор турнирот ќе биде подобриот од серијата помеѓу ЦСКА Москва и Басконија каде моментно е 1:1 во победи.

Пред пласман на завршниот турнир се наоѓа и турскиот шампион Фенербахче кој ја врати предноста во дуелите со Жалгирис. Фенербахче со 66:57 го совлада литванскиот тим и поведе со 2:1 во победи во серијата кој прв до три триумфи. Марко Гудуриќ со 17 поени беше најпрецизен на натпреварот, додека Јан Весели уфрли 10 поени.