Манчестер сити во петокот е казнет со двегодишна суспензија за настап во Лигата на шампионите, и во европските купови поради финансиски малверзации. Освен што заработи казна од УЕФА, Сити се соочува со уште една казна, овој пат од Премиер лигата и може да се случи да остане без две титули доколку спортскиот суд во Лозана не ја преиначи одлуката на УЕФА.

Денеска „The Athletic“ пишува дека казната не е случајна и тврди дека противникот на „граѓаните“ во осминафиналето од ЛШ, Реал Мадрид, лобирал за англискиот тим да биде казнет.

Сајтот пишува дека освен Реал Мадрид, и германскиот гигант Баерн Минхен вршел притисок врз УЕФА за време на истрагата за да бидат сигурни дека одлуката на европската фудбалска федерација ќе резултира со казна за англискиот шампион.  Засега и двата фудбалски гиганти не ги демантираа овие наводи на англискиот спортски сајт.