Цените на горивата во земјава повторно растат, откако беше соопштено дека новата цена на Еуросупер БС-95 ќе биде 75,5 денари за литар, додека Еуросупер БС-98 ќе се продава по цена од 77,5 денари за литар. Дизелот од полноќ ќе чини 67,5 денари, а Екстра лесното масло за домаќинство 67 денари. 

Ова е добра прилика да ги споредиме цените на горивата во регионот со тие кај нас. 

Според податоците на Tolls.eu, кои ги користат податоците на Европската комисија и бројките од најголемите бензински пумпи во регионот, се забележува раст на горивата и кај останатите земји од регионот. 

Кога станува збор за Еуросупер БС-95, Бугарија е земја со најевтини цени за ова гориво (1,15 евро или 70,85 денари за литар). Босна и Херцеговина е втора со 1,17 евро (72,05 денари) за литар. Северна Македонија е зад БиХ кога станува збор за ова гориво (75,5 денари за литар), а Словенија пак со цена од 1,28 евро за литар (78,83 денари) е на четврто место. Следна е Србија со 1,38 евро (84,98 денари) за литар. Хрватска која забележи рекордно високи цени за ваквото гориво е под неа со 1,47 евро (90,53 денари) за литар, а Албанија е веднаш зад неа со 1,48 евро (91,14 денари) за литар. Убедливо најскап Еуросупер БС-95 има во Грција, со 1,72 евро (105,92 денари) за литар. 

Кога станува збор за дизелот, Северна Македонија има најевтини цени во регионот (67,5 денари). Следна е Бугарија со 1,14 евро (70,76 денари) за литар, а слична е цената во БиХ (1,15 евро или 70,82 денари за литар). Словенија е следна со цена од 1,35 евро (83,14 денари) за литар. По неа е Србија (1,41 евро или 86,83 денари за литар). Следна е Грција (1,44 евро или 89,05 денари по литар), па веднаш зад неа е Хрватска  (1,45 евро или 89,29 денари за литар), а земја со најскап дизел е  Албанија (1,47 евро или 90,53 денари за литар). 

Колку плаќавме за бензин и дизел пред пандемијата