Претседателот на Русија, Владимир Путин изјавил дека ја понудил можноста на својот колега Доналд Трамп да го набави најновиот вид на оружје од Русија, вклучувајќи го и хиперсоничното.

Путин рекол на пленарната седница на петтиот Источен економски форум (ЕЕФ) дека на последниот состанок со американските партнери во Осака, во Јапонија е „поставено прашањето како да се земе во обѕир модерното руско наоружување, вклучувајќи ги и хиперсоничните ракетни системи, во заеднички договори, имајќи во предвид дека ниту една земја во светот засега не го има ова оружје, вклучувајќи ги и САД“, пренесува Тасс.

«Я Дональду сказал «Давайте, мы вам продадим», но не в ущерб нашей безопасности»: Путин о ситуации в мире с гиперзвуковым оружием pic.twitter.com/OET2yrYvcD

— Дмитрий Смирнов (@dimsmirnov175) September 5, 2019

„Му реков на Доналд (Трамп) следново: Ако сакаш, можеме да ти продадеме нешто од оружјето и на овој начин ќе изедначиме се. Но, тие велат дека наскоро сами ќе го произведат. Веројатно ќе го направат тоа, но зошто да губат пари, кога ние веќе ги потрошивме и можеме да добиеме нешто назад, а притоа да не ја повредиме нашата безбедност, туку ќе направиме рамнотежа“, рекол Путин.