Првиот човек на ЦСКА со решение за кризата – продажба на пиво?
Андреј Ватутин не очекува да се вратат навивачите на трибините на спортските натпревари до наредната сезона, а можеби и подолго.
Претседателот на рускиот кошаркарски клуб предлага внатре во спортските арени да започне продажба на пиво.
На тој начин клубовите би можеле да дојдат до додатни приходи кои ќе им бидат неопходни поради кризата предизвикана од пандемијата на коронавирус.
Андреј Ватутин не очекува да се вратат навивачите на трибините на спортските натпревари до наредната сезона, а можеби и подолго.
А штом ќе се вратат назад, клубовите и лигите ќе треба да најдат начин барем донекаде да ги надоместат загубите.
– На спортските клубови и лигите ќе им биде потребна поддршка од државата, но не се потребни субвенции. Ни требаат прави закони, како на пример враќање на продажбата на пиво во спортските арени. Потребни ни се повеќе можности да заработиме – рече Ватутин за „Sport.ru“.
Руските власти минатата есен предложија измена на законот со кој ќе се дозволи пивото да се продава на фудбалските стадиони, но не беше усвоено.
Инаку, во поголемиот дел од Европа е забранета продажба на алкохолни пијалоци на кошаркарски натпревари, а во фудбалот ситуацијата е малку поинаква.
