Проблеми за Ливерпул, без Хендерсон на реваншот со Атлетико!?
Менаџерот на Редси, Јирген Клоп, потврди дека англискиот репрезентативец ја повредил тетивата на коленото…
Хендерсон повредата ја доживеа во првиот меч од осминафиналето во Лигата на шампионите против Атлетико Мадрид, па самиот побара замена во 80. минута.
Редси го загубија мечот со 1:0, па доколку сакаат пласман во четвртфиналето ќе мораат на реваншот на „Енфилд“ (11. март) да ја анулираат минималната негатива против Шпанците.
Менаџерот на Редси, Јирген Клоп, потврди дека англискиот репрезентативец ја повредил тетивата на коленото:
– Можеше да биде полошо. Ја повреди тетивата на коленото. Не е лошо како што е случајот со Хари Кејн. Но, ќе биде надвор од терените околу три недели, што не е добро. Сепак, можеме да кажеме и дека имавме среќа – рече Клоп.
Ливерпул во понеделник ќе игра против Вест Хем во 27. коло од Премиер лигата.