„Австралија опен“ како услов за учество на играчите им постави задолжителна вакцинација, а тоа би можеле да го направат и останатите грен слем турнири.

Американскиот новинар од „Форбс“, Адам Загорија пренесе неофицијална информација дека вакцинацијата би можела да биде услов и за играње на „Ролан Гарос“ и „Вимблдон“.

– Можно е и Ролан Гарос и Вимблдон да го следат истиот тренд и да ги условуваат учесниците на турнирот со вакцини, што значи дека Австралија опен може да започне со домино ефект – напиша Адам Загорија на својот Твитер профил.

Со оглед на тоа што е под знак прашалник настапот на Новак Ѓоковиќ на Австралија опен на почетокот на годината, што го потврди и неговиот татко поради „уцената за вакцинација“, најдобриот тенисер на светот на тој начин би можел да пропушти и други Грен слемови.

Се разбира, сè уште се заснова на гласини, но Ѓоковиќ смета дека не сака да открие дали е вакциниран и на тој начин го дели светот на вакцинирани и невакцинирани и дека не му се допаѓа тоа што услов за играње е вакцина.

Now on @ForbesSports

Novak Djokovic ‘Probably Won’t Play’ Australian Open Due To ‘Blackmails And Conditions,’ His Father Says via @forbes https://t.co/6R68KpXC5r @bgtennisnation @PatrickMcEnroe @andyroddick @jon_wertheim

— Adam Zagoria (@AdamZagoria) November 28, 2021

Отвореното првенство на Австралија има некои од најригорозните прописи во светот на тенисот, а други би можеле да ги следат. Иако имаше различни опции и варијанти за одење во Мелбурн и настап, челниците на турнирот порачаа дека само вакцината ќе биде „билет“.

Сето ова доколку се реализира би имало значајно влијание врз кариерата на Новак Ѓоковиќ, кој би бил спречен да учествува на Грен слем трката, а би загубил и многу АТП поени.