Хари со емотивна порака се прости од баба му: Ги повтори зборовите кои кралицата ги кажа по смртта на сопругот
Принцот Хари денеска се прости од кралицата Елизабета Втора со многу емотивни зборови.
„Славејќи го животот на мојата баба, Нејзиното Величество кралицата – и жалејќи за нејзиното заминување – сите се потсетуваме дека таа беше компас за многумина со нејзината посветеност на службата и должноста.
Беше почитувана на светско ниво. Нејзината непоколеблива грациозност и достоинство останаа искрени во текот на целиот нејзин живот, а сега остануваат како нејзино вечно наследство.
Ајде да ги повториме зборовите што таа ги изговори по смртта на нејзиниот сопруг, принцот Филип, зборови кои сега можат сите нас да нè утешат: „Животот, се разбира, се состои од последните разделби, колку и од првите средби“.
Бабо, додека оваа конечна разделба ни носи голема тага, јас сум засекогаш благодарен за сите наши први средби – од моите спомени од детството со тебе, до мојата прва средба со тебе како мој главен командант, до првиот момент кога ја запозна мојата мила сопруга и ги прегрна своите сакани правнуци.
Го ценам времето што го споделив со вас и многу други посебни моменти. Веќе многу недостигате, не само нам, туку и на луѓето ширум светот.
А, што се однесува до првите состаноци, сега му оддаваме почест на татко ми во неговата нова улога на кралот Чарлс Трети. Ви благодарим за вашата посветеност на службата. Ви благодарам за добриот совет“, рекол Хари, а потоа повторно се обратил на кралицата.
„Ви благодариме за вашата заразна насмевка. И ние се насмевнуваме знаејќи дека вие и дедо сте сега повторно заедно и двајцата заедно во мир“.
Принцот Хари бил многу приврзан за својата баба, дури и во времето на најголемиот семеен раздор предизвикан од Мегзит. По смртта на кралицата, помладиот син на Дијана и Чарлс можеше да се слушне како жали што не поминал повеќе време со Елизабета Втора.
Принцот Хари за три дена ќе наполни 37 години.
ВИДЕО+ФОТО | Вилијам и Хари повторно еден покрај друг: Кејт и Меган во црно од глава до пети
