Српскиот пејач Никола Роквиќ тргна пеш од Белград до Егина, патување долго 1.060 километри, каде ќе му се помоли на Свети Нектариј Егински.

Подвигот што се осмели Никола да го направи е да собере средства за набавка на опрема за дијагностицирање на рак на мозокот кај децата и за реновирање на детскиот онколошки оддел во болница.

Пејачот пристигна во Врање, а во еден момент му се придружи и група „Врањски маратонци“. Потоа, сам го продолжи патувањето, кога се изненадил и доживеал многу емотивен момент.

Имено, додека минувал покрај една куќа слушнал песна на својот покоен татко Маринко Роквиќ. Кратко потоа, додека поминувал покрај автомобил на патот, Никола слушнал уште една песна на својот татко. Роквиќ застанал да се поздравил со возачот и неговото семејство кои го воодушевиле.

„Ете, Маринко, пак…“, рекол Роквиќ.

„Да сте живи и здрави за нас“, кажале луѓето од авотмобилот.

Да потсетиме, Никола и неговата сопруга Бојана ја основаа фондацијата „Породица“ за да им помогнат на родителите и децата на кои им е потребна помош. На подвигот Роквиќ собира средства за набавка на опрема за дијагностицирање на рак на мозокот кај децата и за реновирање на детското онколошко одделение, за што им се потребни 200.000 евра.

Никола Роквиќ пеш тргна кон Грција, мора да помине 1.150 километри