Откако ги објавивме сите учесници во Лигата на шампионите и Лига Европа, познат е и освојувачот на „Златната копачка“ во Премиер лигата.

Со Лестер не успеа да обезбеди место во ЛШ, односно ќе игра во ЛЕ, па како утеха Џејми Варди ја заврши сезоната како најдобар стрелец со 23 голови, еден повеќе од Пјер-Емерик Обамејанг (Арсенал) и Дени Ингс (Саутемптон). Варди е најстариот играч кој дојде до ова признание, со 33 години и 198 дена.

Jamie Vardy is the oldest player to win the Premier League Golden Boot.

33 years and 198 days young. ? pic.twitter.com/NBZbbbJvWZ

— Squawka Football (@Squawka) July 26, 2020

Интересно е тоа што Обамејанг двапати беше стрелец во победата на „топчиите“, а Ингс еднаш во триумфот на „светците“.

Само тројца играчи оваа сезона имаа „дабл-дабл“ учинок, односно двоцифрен број на голови и асистенции: Мохамед Салах, Кевин де Брујн и Сон Хјунг-Мин.

Kevin de Bruyne has equalled Thierry Henry's record for the most assists in a single Premier League season.https://t.co/sFk4smjW25 pic.twitter.com/iAdmPtmP1c

— alibra (@Aliyu0Aliyu) July 26, 2020

Салах со Ливерпул запиша 19 голови и 10 асистенции, потоа Де Брујн со Манчестер сити имаше 13 голови и 20 асистенции, додека Сон со Тотенхем постигна 11 погодоци и 10 асистенции.

Де Брујн воедно со 20 асистенција се израмни со рекордот на Тјери Анри од сезоната 2002/2003.