Повредени неколку полицајци во улично насилство во Штутгарт (ВИДЕО)
Неколку германските полицајци се повредени во текот на ноќта во улично насилство што избувна во германскиот град Штутгарт, потврди полицијата рано утрово.
„Ситуацијата беше целосно надвор од контрола“, рече портпаролот на полицијата. Не е јасно каква е позадината на немирите. Кон полицајците било фрлано со камења користени за поплочување на улиците, а биле уништените и излозите во центарот на градот.
Во насилството кое се случило околу полноќ, учествувале стотина лица, кои ограбиле повеќе продавници во областа Шлосплатца. Меѓу повредените има и полицајци, но засега нема официјална бројка на приведени лица.
Dutzende gewalttätige Kleingruppen haben in der Nacht zum Sonntag in der Innenstadt von #Stuttgart randaliert und mehrere Polizisten verletzt. Inzwischen hat sich die Lage beruhigt. Die Hintergründe der Auseinandersetzung sind noch unklar. https://t.co/LZMQ1v1e01 pic.twitter.com/JJEMj2td5a
— SWR Aktuell BW (@SWRAktuellBW) June 21, 2020
Полицијата побара помош од сите расположиви специјални сили во регионот Баден-Вуертемберг.
Портпаролот на полицијата потврдил дека по неколку часа, ситуација била ставена под контрола, како и дека полициските сили ќе останат во центарот на градот.
Изминатите неколку викенди во оваа област имаше судири со полицијата, но во помал обем.