Државата брзо реагираше со затворање на училиштата, кафулињата и рестораните, но заостана во однос на економските мерки. Потребна е конкретна стратегија за справување со ефектите што ќе ги предизвика пандемијата со корона вирусот, за да не се соочиме со колабирана економија вели Маријана Перковска од Текстилниот кластер.

Според неа, треба да се направи и репрограмирање на давачките, а посочи и дека текстилната индустрија во овие моменти може да работи за потребите на државата, во услови кога се соочуваат со намалување на интензитот на работа, бидејќи испораките на репроматеријалите од странските партнери се одвиваат отежнато.

Перковска повика на одговорност и на работодавците и на работниците во овие моменти, а смета дека е потребна и поширока едукација на населeнието, особено работниците во фабриките за користење на заштитните ракавици и маски.